Press "Enter" to skip to content

Хан: Никој не смее да биде амнестиран од одговорност во случаите на СЈО

25.07.2019

Никој не смее да биде амнестиран поради неспособноста да се исполнат одредени рокови, рече еврокомесарот Јоханес Хан на денешната заедничка прес-конференција со премиерот Заев. Според него, клучно е до октомври да се усвои Законот за Јавно обвинителство кој нуди важни гаранции за владеење на правото и сите политички страни во интерес на иднината на државата и граѓаните да покажат одговорност. Тој вели дека за ЕУ најважно е во секое решение да се земе предвид дека не може во транзициската фаза да има изгубени случаи.

„Мора да се покаже нула толеранција во борба против корупција и организираниот криминал и затоа е важно да се усвои Законот за Јавно обвинителство кој нуди важни гаранции за владеење на правото. Сега е време сите политички страни да покажат одговорност се во интерес на иднината на државата и граѓаните. Сите треба да бидат фокусирани на октомври, да ги испорачаат потребните реформи и да дадат дополнителен стимул на државата. Во регионот е потребен овој позитивен сигнал да ја вратиме во живот ЕУ перспективата за државите во регионот. Затоа постои регионална, покрај државна одговорност сите треба да бидат свесни за можноста, но и одговорноста“, изјави Хан.

Хан рече и дека земјата заслужила да почне преговори, оти многу направила со договорите со Бугарија и со Грција и жали што тоа не се случило во јуни и што земјите членки сè уште се немаат одлучено за отворање на преговорите.

Заев, пак, очекува ЕУ да си го одржи зборот и во октомври Македонија да добие датум за почеток на преговори.

Поврзани вести: 

Заев го укина СЈО, Вилма е новата Катица