Поранешни и сегашни функционери членови на ВМРО-ДПМНЕ, денеска во хотелот „Холидеј ин“ се собраа со експерти, професори и претставници на Антикорупциската комисија за како да се подобри работата на ова тело. Настанот беше организиран од фондацијата „Конрад Аденауер“ и Институтот за општественни истражувања МК91.
Модераторот Васко Наумовски е претседател на Институтот за општествени истражувања МК91, поранешен амбасадор во САД и екс вицепремиер во Владата на Никола Груевски од 2009 до 2011 година. Негово мислење за работата на овој состав на антикорупциската комисија не слушнавме, исто како што изминатите десет години не кажа ништо за корупцијата и злоупотребите кои ги правеше владата во кој тој беше член.
ДЕКЛАРАТИВНАТА БОРБА ПРОТИВ КОРУПЦИЈА НЕ Е ДОВОЛНА
Според претседателката на Комисијата, недоволните материјално технички услови за работа, имплементирање на опремата што ја добиле од ЕУ во вредност од 670 илјади евра, зајакнување на човечките ресурси и капацитети, особено потребата од реорганизација и нова систематизација, недоволен буџет се причина зошто комисијата не може да работи во полна пареа.
„Буџетот на Комисијата се определува во Министерството за финансии, но сведоци сме на примери од нашето опкружување, каде буџетот се определува од страна на Парламентот, а Комисијата самостојно ги организира финансиските и човечките ресурси и приоритети, рече Ивановска.
Георгиев, пак, смета дека Комисијата покрај тоа што треба да ги детектира состојбите во одредени сегменти, треба и проактивно да делува.
„Конфискација, тоа е вистинската мерка кога говориме за борба против корупцијата. Ако му се одземе противправно стекнатиот имот на службеното лице, тоа е всушност е големата казна, смета Георгиев.
За професорот Никола Тупанчевски од Правниот факултет во Скопје и поранешен национален претставник во ГРЕКО, амбициозниот почеток на новиот состав на ДКСК треба да има некакви резултати, затоа што мерило на квалитетот на работата е донесеното решение, одлука или евентуално некаква пресуда што се однесува на оваа проблематика.
„Во корупција влегуваат и појавите што најчесто ги нарекуваат „трговија на интереси“, а се однесуваат на софистицирана форма на корупција, давање и примање награда за противзаконито влијание, рече Тупанчевски и изрази загриженост за доцнењето на извештајот од ГРЕКО.
ДКСК ПЛАНИРА ДЕЛ ОД СЕДНИЦИТЕ ДА ГИ НАПРАВИ ТАЈНИ
Повеќе од два часа се зборуваше како Македонија секоја годна е на полоша позиција на извештаите на Транспаренси интернешнал во однос на борбата со корупција. Се дебатираше за предизвиците со кои се соочува антикорупциската комисија и како ова тело да ја врати довербата кај граѓаните.
Но иако сите присутни заклучија дека затвореноста и нетранспарентноста на институциите, но и на претходните состави на комисијата била еден од најголемите проблеми, една од главните поенти на кои се фокусираше дебатата беше дека антикорупциската комисија мора даа внимава да не го наруши углегот на функционерите кои се под истрага за корупција и непотизам.
Присутните им предочија на претседателката на Антикорупциската комисија Билјана Ивановска и на членот Владимир Георгиев дека не би требало јавно да ги обвјавуваат имињата бидејќи и функционерите имаат презумпција на невиност. Антикорупционерите барем засега сметаат дека не е спорно јавно да се објават идентитетите во предметите кои се отворени по допрен глас, откако медиумите пишувале за функционерите. Но најавија дека постои можност понатаму дел од седниците да бидат затворени, особено ако се работи за пријави со граѓани. Како што посочија членовите на антикорупциската комисија, затворањето не би било за да се заштитат функционерите, туку граѓаните кои пријавувале.
Во ниту еден момент од дебатата не беше споменат јавниот интерес. Сите присутни посочија дека новинарите и истражувачкото новинарство како алатка можат да бидат добра алатка во борба против корупцијата. Но никој не се запраша како новинарите ќе доаѓаат до информации ако комисијата уште повеќе се затвори.
На крајот на настанот, откако Наумовски почна да се заблагодарува на сите присутни, новинарите побараа да им се даде можност и тие да постават прашања и да дадат свој коментар. Наумовски посочи дека делот за прашања од медиумите бил на почетокот на настанот, но заборави да каже дека тој беше прашан да даде изјава и одби да коментира.
Откако новинрите не се откажаа, а и претседателката на ДКСК Ивановска посочи дека новинарите бараат збор, Наумовски со доза арогантснот дозволи новинарите да кажат нешто.
„Изминатите десет години, новинарите немаа никаков пристап до комисијата. Немаше никаква транспарентнот, поголемиот дел од седниците беа затворени, а членовите на комисијата недостани за новинарите и за јавноста. Секој функционер што што е платен од државни пари, треба да биде подготвен дека еден ден можеби ќе биде истражуван за тие пари. Јавиниот интерес треба да е на прво место“, се согласија дел од новинарите присутни на дебатата.
