Ќе мора редовно, односно еднаш неделно да се пријавува во Судот, нема да може да патува, но освен удобноста на својот дом, Сашо Мијалков ќе може да ужива и во слободата на движење во Скопје и земјава. Така одлучи Кривичниот совет при Основиот суд 1 којшто единствено му одреди мерки на претпазливост.
„Согласно член 481 ст.4 од ЗКП, кога судот ќе изрече во пресудата казна затвор, може да определи обвинетиот да се стави во притвор , односно да остане во притвор, ако постојат причините од член 165 ст. 1 т. 1,2 и 3. Притворот во таков случај може да трае до правосилноста на пресудата, но најдолго до 60 дена“ соопштуваат од Судот.
Претходно тој успеа да се избави од куќен притвор и за случајот „Империја“, каде што од притвор излезе и неговиот поранешен побратим Јордан Камчев.
