Press "Enter" to skip to content

Ременски ќе го врати мандатот на Собранието ако се повлечат и други осомничени пратеници

10.10.2019

Пратеничката од СДСМ, Фросина Ременски, која е осомничена во истрагата за финансиски криминал на Меѓународниот сојуз не чувствува никаква вина. По денешниот распит во Судот, Ременски повика Обвинителството да ја докаже нејзината вина, а медиумите да ја почитуваат презумцијата на невиност.  Таа рече дека ќе ја почитува секоја одлука на премиерот Зоран Заев, кој од позицијата на претедател на СДСМ најави нејзино разрешување од партиските функции. За нејзино евентуално повлекување од пратеничката функција, Ременски не сака да биде осамена. Таа вели дека ќе се повлече, но само ако тоа го сторат и други нејзини колеги кои се осомничени или обвинети во судск0-обвинителски предмети.

„Јас мислам дека од аспект на некаква одговорност ако прејудицирате, времето и зкаонот и Уставот на сите вклучени во какви било постапки ја гарантираат презумцијата на невиност. Се додека не биде докажана вина со правосилно судско решение, секој е невин и имаа добра шанса сите пратеници од Собранието кои се со некакво својство пред органите на правосудството, доколку се договориме, колективно да си поднесеме оставки, ама сите“, рече Фросина Ременски.

Премиерот Зоран Заев денеска изјави дека очекува да се докаже невиноста на пратеничката Ременски и таа да се врати во органите на владејачката партија.

„Тоа што го кажав кога се отвори овој случај, вчера го повторив, денеска повторно ќе го кажам. Партијата ќе носи одлуки за времено суспендирање од централен и извршен одбор. Тоа е принципиелен став. Јас лично верувам во невиноста и во пресумција на невиност и час поскоро очекувам да се докаже таа невиност а што поскоро Фросина Ременски да се врати во органите и телата на партијата“, изјави Заев.

По денешниот распит во Кривичиот суд на Фросина Ременски и е одземен пасошот, има забрана да го напушти Скопје, но и обврска секоја недела да се јавува во суд. Таа е осомничена за финансиски малверзации со невладината организација „Меѓународен сојуз“, заедно со Бојан Јовановски, неговиот татко и уште две соработнички на Боки 13.

Поврзани стории

Пратеничкиот имунитет не ја штити Ременски од кривична одговорност

Повеќе од Изјава на денотПовеќе теми во Изјава на денот »