Тимот новинари од Истражувачка репортерска лабораторија (ИРЛ) денеска ја доби наградата „Никола Младенов 2020“ за Најдобра истражувачка сторија.
Наградата е доделена за пакетот истражувања насловен како „Пандемско профитерство- другата страна на приказната за КОВИД 19“.
Награди беа доделени и за „Најдобра фоторепортерска фотографија“ и „Најдобар иновативен новинарски производ“.
Наградата за „Најдобра репортерска фотографија“ ја доби фоторепортерската Арбнора Мехмети за фотографијата „Две патки поминуваат“, а за „Најиновативен новинарски производ’ ја доби Александар Манасиев за мултимедијалната сторија „Тивките балкански убијци“ во која се прикажува како термоцентралите влијаат врз животната средина. Мултимедијалната сторија е објавена на интернет платформата „Види вака“.
Наградите „Никола Младенов“ ги доделува „Македонскиот институт за медиуми“ (МИМ) и традиционално се доделуваат веќе десет години и се дел од заложбите на МИМ за унапредување на професионалното новинарство и демократските вредности во земјата.
Наградените стории на ИРЛ за КОВИД 19 може да ги прочитате на следните линкови.
https://irl.mk/pekolniot-pat-niz-testiraeto-od-kovid-19-ili-kako-umre-r-z/
https://irl.mk/nesigurni-diagnozi-kako-lazhno-deklarirani-kholandski-testovi-za-kovid-od-kina-zavrshia-vo-makedonia-sad-i-zemite-na-eu/
https://irl.mk/maski-so-lazhni-sertifikati-za-zashtita-od-korona-zavrshile-niz-bolnitsite-vo-makedonia-olaf-vodi-meunarodna-istraga/
