Press "Enter" to skip to content

Заев: Треба да учиме од мисијата на Папата за борба против нееднаквоста, корупцијата, лажните вести и животната средина

07.05.2019

Државата треба да продолжи да работи во сферата на борбата против нееднаквоста, животната средина и лажните вести, рече премиерот Зоран Заев запрашан какви поуки ќе извлече земјата од прашањата по кои што Папата Франциск е исклучително вокален во светот како растечката нееднаквост како последица на корупцијата, лажните вести  и пропагандата за коишто Папата проповеда дека се смртен грев и проблемите со животната средина.

„И ние политичарите, и вие новинарите и сите граѓани треба да учиме од мисијата на Папата која што тој ја шири низ светот, а тоа е поголема верба меѓу нас, искоренување на сите слабости и девијантни појави. Во Република Северна Македонија има многу работа на тие теми – и лажните вести и консолидацијата, одговорноста, транспарентноста, граѓанскиот аспект на живеењето што го проповеда Светиот Отец. Треба да продолжиме да бидеме добри луѓе, професионалци секој во својата дејност, да ја подобриме транспарентноста, отчетноста. Треба да продолжиме да работиме да е подобро на сите овие прашања, рече премиерот Зоран Заев.

Придружна сторија: поглед кон мисијата на Папата Франциск

Папата Франциск, роден во 1936 како Хорхе Марио Бергоголио е најпрогресивниот папа досега. Тој е страствен навивач на фудбалскиот клуб Сен Лоренцо од Аргентина и фан на Танго, вели дека порано многу сакал да танцува.

Како млад имал девојка. „Таа беше една од групата пријатели со кои одевме на игранки. Но, потоа ја открив религијата“.

Во јавните говори, папата Франциск често зборува за социјалната правда, улогата на жените во општеството и сиромаштијата. Многу често во своите говори, папата Франциск зборува за корупцијата и за штетните дејства кои таа ги има на општеството.

Повеќе на линкот во продолжение.

Папата Франциск: Корупцијата е илузија на брзи и лесни добивки – рак кој го уништува општеството