Press "Enter" to skip to content

ЛДП: Жените се рамноправни со мажите во секое поле па и во политиката

03.11.2019

„Жените се рамноправни со мажите во секое поле па и во политиката“ – ова е главниот заклучок на Женската академија за политичко лидерство на Форумот на жени на ЛДП која се одржа викендов во Маврово.

„Самиот факт дека на последните парламентарни избори ЛДП имаше повеќе кандидати жени одошто мажи, како и повеќе жени претставнички во Собранието и скоро 50% советнички во советите на локалните самоуправи покажува дека како партија работиме на родовата еднаквост и ги негуваме европските вредности“ вели Јулиана Николова, потпретседателка на ЛДП.

Од партијата потенцираат дека жените треба активно да се вклучат во политиките и да ги развиваат либералните вредности.

„Учеството на жените во политиката е од клучно значење за унапредување и развој на демократијата во општеството, а едукацијата е најдобар начин за јакнење на капацитетите, охрабрување и мотивирање за учество во политичките процеси“ додаде Николова.