ИРЛ го проширува својот тим со три нови работни позиции, еден уредник на истражувачки проекти и двајца репортери. Нашата работа е општествено одговорна, а во актуелните околности не била никогаш ниту поважна, ниту повозбудлива. Затоа ни требаат нови храбри членови на тимот кои ќе ни помогнат во борбата против корупција и организиран криминал.
Истражувачката репортерска лабораторија ИРЛ, членка на меѓународната медиумска организација за известување за организиран криминал и корупција, е специјализирана во известување за висока корупција и прекуграничен криминал со цел да фрли светло врз причините и последиците од растечката нееднаквост. Нашата работа е да ги објасниме врските помеѓу парите и моќта и така да ја “наоружаме” јавноста со информации кои ќе помогнат да се случат значајни политички промени.
Позиција 1: Уредник на истражувачки проекти
Што бараме?
- Минимум седум годишно работно искуство во медиуми.
- Одлични пишувачки и аналитички способности.
- Способност за менаџирање и организирање на работни тимови.
- Способност за тимска работа во динамично опкружување.
- Способност за адаптирање на комплетно нов и иновативен концепт на работа различен од традиционалните редакции.
- Опширно познавање на политичката сцена и политичките случувања во Република Северна Македонија и регионот на Југоисточна и Централна Европа.
- Интегритет, чесност и храброст.
- Способност за работа во стресни и ризични околности.
- Познавање на англиски јазик.
Главни работни задачи:
- Идентификување, пишување и уредување стории.
- Менаџирање и насочување на работни тимови.
- Водство и обучување на помладите новинари во тимот.
- Преземање одговорност за исполнување на крајните рокови поврзани со работата.
- Работа на истражување, подготовка и организирање на емисии од проектот “Редакција” за што не е е потребно искуство во видео медиумите (тековни обуки и подготовка).
Што нудиме?
- Можност за напредок и унапредување во рамки на организацијата.
- Постојани обуки и тренинзи со цел стекнување искуство и вештини за работа на меѓународни истражувања.
- Можности за надградба и платени дообучувања и стекнување на вештини (пр. изучување странски јазици, поддршка за специјализирани вештини согласно желбите на кандидатот).
- Пристап до технологии за побрза и поефикасна работа и пристап до мрежа од повеќе од 500 истражувачки новинари ширум светот.
- Редовни месечни примања и фер однос.
- Професионален развој во најдинамичната и најиновативна редакција во земјата.
Позиција 2: Репортер
Што бараме?
- Минимум три годишно работно искуство во медиуми.
- Одлични пишувачки и аналитички способности.
- Способност за тимска работа во динамично опкружување.
- Способност за адаптирање на комплетно нов и иновативен концепт на работа различен од традиционалните редакции.
- Иницијативност и креативност во идентификување на истражувањата.
- Опширно познавање на политичката сцена и политичките случувања во Република Северна Македонија и регионот на Југоисточна и Централна Европа.
- Интегритет, чесност и храброст.
- Способност за работа во секојдневни стресни и ризични околности.
- Медиумска писменост.
- Познавање на англиски јазик.
Главни работни задачи:
- Идентификување и пишување стории со помош и консултација од страна на уредниците.
- Преземање одговорност за исполнување на крајните рокови поврзани со работата.
- Работа на истражување, подготовка и организирање на емисии од проектот “Редакција” за што е пожелно, но не е е потребно искуство во видео медиумите (тековни обуки и подготовка)
- Теренско следење на поважните случувања во државата.
Што нудиме?
- Можност за напредок и унапредување во рамки на организацијата.
- Постојани и задолжителни обуки и тренинзи со цел стекнување искуство и вештини за работа на меѓународни истражувања.
- Платени дообучувања и стекнување на вештини (пр. Изучување странски јазици, поддршка за специјализирани вештини согласно желбите на кандидатот.
- Пристап до технологии за побрза и поефикасна работа и пристап до мрежа од повеќе од 500 истражувачки новинари ширум светот.
- Редовни месечни примања и фер однос.
- Професионален развој во најдинамичната и најиновативна редакција во земјата.
Доколку сметате дека сте вистинската личност за некоја од овие позиции, ве охрабруваме да го испратите вашето CV на irlmacedonia@irl.mk и задолжително да наведете за која позиција аплицирате. Мотивациско писмо ќе се земе како предност при селекцијата на кандидати, но не е задолжително. Огласот трае до 07.10.2021 и за сите дополнителни прашања околу работната позиција може да се обратите на наведениот мејл.
